VIÐHALDSFRÍAR ÚTIFLÍSAR

Flísahellur eru nýjung í flísum, tveggja sentimetra þykkar og ætlaðar í lagnir utandyra. Þær sameina kosti flísa og garðhellna, en eru lausar við mörg vandamál sem fylgt hafa hefðbundnum útilögnum. Vídd býður flísahellur aðallega frá framleiðendunum Atlas Concorde og Mirage en Vídd hefur flutt inn flísar frá þessum fyrirtækjum síðan 1992. Flísahellurnar hafa mikið burðarþol, ganga t.d. á bílaplön. Þær hafa mikla hörku og þéttleika og gróður og mosi á þannig ekki uppdráttar í þeim.

flisar-a-stultum

FLÍSAR Á STULTUM

flisar-a-gras

FLÍSAR Á GRAS

flisar-a-sandi

FLÍSAR Á SAND

flisar-a-mol

FLÍSAR Á MÖL

flisar-limdar

FLÍSAR LÍMDAR

AFHVERJU FLÍSAHELLUR?

Flísalagnir utandyra, á steypt svalagólf, verandir eða á útitröppur hafa oft reynst vandaverk. Algengt er að slíkar flísalagnir endist skemur en skyldi.  Eiga til að losna, vegna hitaþenslu. Þetta byrjar oftast þannig að fíngerðar sprungur myndast í fúgum og flísalími vegna þenslumunarins. Í framhaldinu kemst raki og bleyta undir flísarnar sem þéttist og sprengir flísarnar svo frá í frostum.

Flísahellur geta verið lausn á þessu vandamáli þar sem ekki þarf að líma þær niður. Þær er hægt að leggja niður með ýmsum hætti, t.d. beint á gras, á möl, á sand eða á sérstakt stultukerfi. Algengasta stærð á flísahellum er 60x60x2 cm. Slík flísahella vegur um 17 kg. Einnig er hægt að fá flísahellur í fleiri stærðum eins og t.d. 45×90 cm., 90×90 cm. og að auki í ýmsum plankastærðum, ef sóst er eftir viðarútliti. Með þessu er hægt nýta jarðhitalagnir fyrir snjóbræðslu eins og algengt er með dæmigerðum hellulögnum.

En til hvers að velja flísahellur þegar ódýrari steyptar hellur eru fáanlegar? Kostir flísahellna umfram annan frágang felast helst í því að yfirborð hellnanna er algerlega lokað. Gróður, t.d. mosi eða illgresi eiga ekki að geta skotið rótum eins og gerist með hefðbundnu hellurnar.

FLÍSAHELLUR 2CM ÞYKKAR!

FLÍSAHELLUR Á STULTUM

Ef leggja á flísahellurnar á stultukerfi er það yfirleitt á steypta eða malbikaða fleti. Stórt atriði í þessu er að vatnsverja steypuna t.d. með dúk, þéttikvoðu eða tjörupappa. Stultukerfið er síðan sett upp og flísarnar lagðar, ekki límdar, á þær.

FLÍSAR LAGÐAR BEINT Á GRAS, SAND EÐA MÖL.

Ef þær eru lagðar beint á gras, möl eða sand, er hægt að beita hefðbundnum aðferðum við hellulagnir. Nota jarðvegsdúka og samsetningu á misgrófri möl og sandi í undirlag.

FLÍSAR LÍMDAR NIÐUR.

Lesendum er bent á að hafa samband við starfsmenn Víddar ef óskað er ítarlegri upplýsinga um flísahellur, kostnað o.sv.frv.